Një aksident i rëndë rrugor ka ndodhur këtë të mërkurë, rreth orës 10:00, në vendin e njohur si “Ura e Zezë”, në aksin kombëtar Elbasan-Cërrik.
Sipas informacioneve paraprake, në aksident janë përfshirë dy automjete, të cilat kanë pësuar dëmtime të shumta materiale për shkak të përplasjes së fortë.
Si pasojë e aksidentit, kanë mbetur të plagosur të paktën tre persona, të cilët janë transportuar me urgjencë drejt spitalit për të marrë ndihmën e nevojshme mjekësore.
Menjëherë në vendngjarje kanë mbërritur shërbimet e policisë dhe grupi hetimor, të cilët po punojnë për zbardhjen e plotë të shkaqeve dhe rrethanave të aksidentit.