Spitali Rajonal i Korçës ka reaguar ashpër në lidhje me ngjarjen e rëndë të ndodhur në institucion, ku kirurgu Nikoll Nunka abuzoi seksualisht me pacienten e tij 21-vjeçare.
Në reagimin e bërë nga spitali bëhet me dije se Nunka është pushuar nga detyra, ndërsa ndaj tij po vijojnë hetimet bpër zbardhjen e plotë të rastit të rëndë.
“Institucioni ka nisur menjëherë verifikimet administrative të brendshme, ndërkohë që do të ndiqet me korrektësi çdo procedurë në përputhje me legjislacionin në fuqi dhe rezultatet e hetimeve të organeve kompetente. Për këtë shkak deri në një vendim nga organet kompetente ka bërë pezullimin e mjekut nga funksionet e tij” shkruhet në njoftimin e bërë nga spitali.
Po ashtu, nga ana e spitalit nënvizohet se raste të tilla do të përballen me organet ligjzbatuese duke theksuar se mbrotja e pacientit, , etika profesionale dhe standardet e ofrimit të kujdesit shëndetësor mbeten primare në institucion.