Policia e Kurbinit ka derguar per ndjekje penale nje mjeke te njohur, pasi dyshohet se ka fshehur nje vrasje per te shpetuar shoqen e saj nga krimi i rende. Behet fjale per nje ngjarje te ndodhur ne Kurbin me date 30 prill, kur nje grua eshte shpallur sikur ka vdekur natyralisht, por qe nga hetimet ka rezultuar se e ka vrare vajza e saj.
Policia tha se janë referuar materialet procedurale në gjendje të lirë për shtetasen A. Ll., mjeke, për veprën penale “Shpërdorim detyre”, e cila ka plotësuar aktin e vdekjes, duke e cilësuar si vdekje natyrale dhe duke mos e raportuar në Polici vdekjen e 85-vjeçares.
Në bashkëpunim me Prokurorin vijon puna për dokumentimin e plotë ligjor të ngjarjes dhe, nëse ka persona të tjerë të përfshirë, për identifikimin dhe vënien e tyre përpara përgjegjësisë ligjore.
Violeta Shpani, një shtetase 57-vjeçare ka rënë në prangat e policisë ditën e sotme ne Kurbin, pasi dyshohet se vrau me thike nënën e saj. Si edhe është proceduar penalisht një mjeke e cila e paraqiti rastin si vdekje natyrale dhe ruk raportoi në polici.
Ngjarja u raportua në datën 30 prill, ku asokohe u tha se një 85-vjeçare ndërroi jetë për shkaqe natyrale, por policia ngriti dyshime për një ngjarje të mundshme kriminale.
“Nga tërësia e veprimeve hetimore dhe procedurale ka rezultuar se shtetasja D. Sh., 85 vjeçe, ka humbur jetën si pasojë e goditjeve me mjet prerës (thikë), ndërsa si autore e dyshuar e ngjarjes rezulton vajza e saj, shtetasja V. Sh., e cila jetonte në të njëjtën banesë me viktimën dhe vuante nga probleme të shëndetit mendor” njoftoi policia sot.